اسلام آباد۔12اکتوبر (اے پی پی) اسپیکر قومی اسمبلی اسد قیصر نال وزیراعظم دے نمائندہ خصوصی برائے بین المذہب ہم آہنگی حافظ طاہر محمود اشرفی منگل کوں ملاقات کیتی۔ ملاقات اچ ، رحمت اللعالمینﷺ اتھارٹی ٻݨاوݨ ، مسلم امہ دے مسئلے اتے آپسی دلچسپی دے معاملیاں تے ڳالھ مہاڑ کیتی ڳئی ۔ سپیکر آکھیا جو وزیراعظم دا سیرت رحمت اللعالمینﷺ اتھارٹی ٻݨاوݨ اتے عشرہ رحمت اللعالمین مݨاوݨ دا اعلان ٻہوں چنگا اے، عشرہ رحمت اللعالمیمن مناوݨ وزیراعظم عمران خان دا خاتم النبیین حضور صلی اللہ علیہ وسلم نال والہانہ عقیدت دا اظہار اے۔ انہاں آکھیا جو مغرب اچ اسلاموفوبیا کوں ختم کرݨ کیتے مذاہب ہم آہنگی ویلھے دی اہم لوڑھ اے۔
