اسلام آباد۔13اکتوبر (اے پی پی):وزیراعظم دے معاون خصوصی قومی صحت ڈاکٹر فیصل سلطان آکھیے جو چھاتی دا کینسر قابل علاج مرض اے تے وختی تشخیص توں ایندا علاج ممکن اے، بریسٹ کینسرتوں بچݨ کیتے آگاہی مہم عالمی سطح تے ہر سال اکتوبر اچ بھرپور انداز اچ چلائی ویندی اے جیں دا مقصد تریمتان کوں ایں مرض توں بچݨ کیتے آگاہی ݙیوݨا اے ، اے ڳال انہاں پاکستان انسٹیٹیوٹ آف میڈیکل سائنسز (پمز) اچ چھاتی دے کینسر توں بچݨ دے حوالے نال جاری مہم دے سلسلے اچ ھک تقریب توں خطاب کریندے ہوئیں آکھی اے ۔ انھاں آکھیے جو چھاتی دے کینسر دی وختی تشخیص توں ہی ایندا علاج ممکن اے ، پمز اچ بریسٹ کینسر سکریننگ دے حوالے نال سنٹر بݨایا ڳئے ۔انہاں آکھیے جو ہر سال اکتوبر اچ پوری دنیا اچ بریسٹ کینسر توں بچݨ دے حوالے نال شعور اجاگر کرݨ کیتے مہم چلائی ویندی اے تاں جو کہیں کوں چھاتی دا کینسر ہووے تاں او وختی علاج کراسڳے ۔
