اسلام آباد۔15اکتوبر (اے پی پی) وزیراعظم دے ترجمان تے معاون خصوصی برائے سیاسی ابلاغ ڈاکٹر شہباز گِل آکھیا جو نااہل درباریاں ایں توں پہلے کورونا وائرس دی وبا تے پروپیگنڈہ کیتے، وبا دے بعد ہݨ ڈینگی تے پروپیگنڈہ کیتا ویندا پئے۔ اے ڳالھیں انہاں جمعے کوں مریم اورنگزیب دے بیان دے ولدے اچ آکھی۔ انہاں آکھیا جو نااہل درباری آقاواں کوں خوش کرݨ کیتے بیماریاں اتے اموات تے وی سیاست کریندے پئن۔ انہاں آکھیا جو شہباز شریف ماڈل صرف کرپشن دی درسگاہواں اچ پڑھایا ونڄ سڳدے۔ حکومت کورونا وانگوں ڈینگی تے قابو پاوݨ کیتے وی پوری کوشش کریندی پئی اے، بیماری اتے اموات تے گھٹیا سیاست شرمناک اے۔
