مظفرگڑھ۔ 04 مارچ (اے پی پی):وفاقی وزیر شازیہ مری خانگڑھ اچ بے نظیر انکم سپورٹ پروگرام دے تحت بے نظیر ڈائنامک رجسٹری سنٹر دا افتتاح کرݙتا۔ایں موقع تے انہاں میڈیا نال ڳالھ مہاڑ کریندے ہوئیں آکھیے جو ضلع مظفرگڑھ اچ 6 ڈائنامک رجسٹری سنٹر بݨائے ویسن ۔انہاں آکھیے ایں ویلھے وقت بے نظیر انکم سپورٹ پروگرام دے تحت ضلع مظفرگڑھ دے 3 لکھ 21 ہزار توں ودھ خانداناں کوں وظائف ݙتے ویندے پئن تے بے نظیر ڈائنامک رجسٹری سنٹرز اچ ہݨ تئیں 8 لکھ 72 ہزار سروے مکمل کرڳھدا ڳئے ۔انہاں مزید آکھیے جو حکومت بے نظیر کفالت دی اڳلی قسط کیتے 78 ارب توں ودھ دی رقم رکھی اے اتے سالانہ بجٹ 252 ارب روپے ہے۔
