اسلام آباد۔4 مارچ(اے پی پی) وفاقی وزیر ماحولیاتی تبدیلی سینیٹر شیری رحمان آکھیے تڑی تے بلیک میلنگ دی حکمت عملی ناکام تھیوݨ دے بعد عمران خان ھک واری ول اسٹیبلشمنٹ دی منت سماجت شروع کرݙتی اے۔ ہفتے کوں آپݨے ٹویٹ اچ وفاقی وزیر آکھیے گریبان وٹھݨ توں کم نی تھیا تاں پیر وٹھݨ تے آڳئن ، 10 مہینے اداریں دے خلاف ہرزاسرائی کرݨ آلا ہݨ آکھدے جو اسٹیبلشمنٹ نال کوئی لڑائی کائنی ۔اداریں تے امریکہ تے الزام لاوݨ آلے عمران خان انتخابات توں پہلے امریکہ نال “خوشگوار” تعلقات جݙاں جو اسٹیبلشمنٹ نال “ڳالھ “کرݨ دا خواہشمند اے۔ اے سیاست کائنی منافقت اے۔ انہاں آکھیے عمران خان اسٹیبلشمنٹ کوں ڳالھ مہاڑ دی نی بلکہ اقتدار اچ گھن آوݨ دی درخواست تے منت سماجت کریندے پئن ۔ انہاں آکھیے تحریک انصاف کوں اقتدار اچ آوݨ کیتے اسٹیبلشمنٹ دیاں بیساکھیاں چاہیدن ۔ انہاں آکھیے عمران خان کوں جے الیکشن فریم ورک تے ڳالھ کرݨی ہوندی اے تاں پارلیمنٹ نال رجوع کریندے،اے الیکشن کائنی “سلیکشن فریم ورک” دی ڳول اچ ہن ۔وفاقی وزیر آکھیے سیاستداناں نال ہتھ نا ملاوݨ آلے عمران خان اسٹیبلشمنٹ نال ڳالھ کرݨ کیتے پیر وٹھیندے پئن ۔
