اسلام آباد۔5مارچ(اے پی پی) وزیراعظم محمد شہباز شریف ݙو ݙینھ دے دورے تے قطر پڄ ڳئن ۔ وزیراعظم اقوام متحدہ دی کانفرنس اچ شرکت کریسن ۔ وزیر اعظم آفس میڈیا ونگ توں جاری اعلامیہ موجب ترقی کریندے ملکاں دی کانفرنس دا اے پانچواں اجلاس اے۔ کانفرنس 5 مارچ توں دوحہ اچ شروع تھیسی ۔ امیر قطر کانفرنس اچ شریک سربراہان مملکت اتے وزرائے اعظم دے اعزاز اچ استقبالیہ ݙیسن ۔ وزیراعظم محمد شہباز شریف امیر قطر دے استقبالیہ اچ شرکت کریسن ۔ وزیراعظم 6 مارچ کوں کانفرنس دے اجلاس توں خطاب وی کریسن ۔
