پاکستان دی ترقی کیتے اساکوں ھک مٹھ تھی تے کوشش کرݨی چاہیدی اے ، تریمتاں کوں بااختیار بݨاوݨ اولین ترجیح اے، خاتون اول بیگم ثمینہ علوی

لاہور۔5مارچ(اے پی پی)خاتون اول بیگم ثمینہ علوی آکھیے ملک دی ترقی کیتے اساکوں اجتماعی اتے انفرادی طور تے کوشش کرݨی چاہیدی اے ، تریمتاں کوں بااختیار بݨاوݨ ساݙی ترجیحات اچ شامل اے، ساݙے نینگر باصلاحیت اتے پرعزم ہن ، انھاں کوں اڳوں ودھݨ کیتے مناسب پلیٹ فارم ݙیوݨ دی لوڑھ اے ، پاکستانی قوم دا اے طرہ امتیاز رہیے جو او فلاحی کماں اچ ودھ چڑھ تے حصہ گھندی اے ، ساݙیاں تریمتاں کوں آپݨی سیاسی وابستگیاں توں ہٹ تے ملک دی ملک دی خاطر کم کرݨا ہوسی ۔ اے ڳالھ انہاں اتوار کوں اتھاں صولیٹون (soliton ) فائونڈیشن دے زیر اہتمام منعقدہ تقریب توں خطاب کریندے ہوئیں آکھی اے ۔ بیگم ثمینہ علوی آکھیے اساں کیتے اے چنڳی ڳالھ اے جو صولیٹون(soliton ) فائونڈیشن جیہی ٻئی تنظیماں پاکستان اچ فلاحی کماں اچ ودھ چڑھ تے حصہ گھندیاں پئن ، عوام اچ چیریٹی اتے رضا کارنہ کماں اچ حصہ گھنݨ دا جذبہ موجود اے۔