فیصل آباد۔5مارچ(اے پی پی) وفاقی وزیر داخلہ رانا ثناء اللہ آکھیےعمران خان دی گرفتاری اوکھا کم کائنی، اسلام آباد پولیس عدالتی احکامات تے عمل درآمدکراوݨ کیتے زمان پارک پڄی اے،حکومت فیصلہ کیتے تاں کارکن گرفتاری اچ رکاوٹ نی پاسڳدے۔ زرعی یونیورسٹی اچ نیزہ بازی چیمپئن شپ دی افتتاحی تقریب دے موقع تے میڈیا نال ڳالھ مہاڑ کریندے ہوئیں انہاں آکھیے اسلام آباد پولیس دی ٹیم عدالتی احکامات دی تعمیل کیتے زمان پارک ڳئی اے۔ انہاں آکھیےعمران خان کوڑا پراپیگنڈا کرتے عدالتاں اچ پیش نہ تھیوݨ تے سزا توں بچݨ کیتے بہانے ڳولیندا ودے۔ انہاں آکھیے موجودہ صورتحال دے حوالے نال عدالت کوں ݙسایا ویسی ۔ انہاں آکھیے عمران خان دی گرفتاری حکومت کیتے کوئی مسئلہ کائنی اے جیں ݙینھ فیصلہ تھیا انہاں کوں گرفتار کرڳھدا ویسی تے ایں حوالے نال کارکن کوئی رخنہ نی پا سڳدے ۔ انہاں آکھیےعمران خان توشہ خانہ اچ چوری دی اے اتے ہݨ اے کوڑے پراپیگنڈا دی آڑ اچ سزا توں بچݨ دی کوشش کریندا پئے ۔ عمران خان پہلے وی قاتلانہ حملے دی غلط کہانی بݨائی ہئی۔ انہاں آکھیے عمران خان جݙاں ݙوجھیں تے الزام تراشی کریندے پئے ہن تاں فرح گوگی کرپشن دا پیسہ ٻاہر منتقل کریندی پئی ہئی ھک سوال دے جواب اچ انہاں آکھیے الیکشن کراوݨ الیکشن کمیشن دا کم اے)ن (لیگ الیکشن کیتے پوری طرح تیار اے تاں جو الیکشن کمیشن اتے ٻئے اداریں ایں معاملے کوں ݙیکھݨا اے تے یقینی بݨاوݨا اے جو الیکشن دے بعد مزید مسئلے کھڑے نہ تھی ونڄن ۔
