دوحہ ۔5مارچ(اے پی پی) وزیراعظم شہبازشریف تے امیر قطرشیخ تمیم بن حمد آل ثانی ݙو پاسے سانجھے مفاد دے وسیع تر امور اتے ݙوہیں ملکاں وچال معاشی وسرمایہ کاری سودھے ٻئے شعبیں اچ پہلے توں استوار بہترین تعاون کوں مزید ودھاوݨ دے طریقیں تے ڳالھ مہاڑ کیتی اے ۔ ملاقات اچ قطر نال ݙوطرفہ تعاون کوں مضبوط بݨاوݨ تے ݙو پاسے سرمایہ کاری، تجارتی اتے پاکستان توں ہنرمند لوکاں دی قطر برآمد دے طریقیں تے ذرائع ودھاوݨ تے ڳالھ مہاڑ تھئی ۔ اتوار کوں وزیراعظم آفس دے پریس ونگ توں جاری بیان موجب وزیراعظم محمد شہبازشریف دوحہ پڄݨ دے بعد امیر قطر شیخ تمیم بن حمد آل ثانی نال ملاقات کیتی ۔ وزیراعظم شہبازشریف اقوام متحدہ دے زیراہتمام گھٹ ترقی کرݨ آلے ملکاں دی کانفرنس دے پنجویں اجلاس اچ شرکت کیتے قطر پڄن ۔امیر قطر دی دعوت تے وزیراعظم اِیں کانفرنس اچ شرکت کریندے پئن ۔ وزیراعظم محمد شہبازشریف اتے شیخ تمیم بن حمد آل ثانی ݙو پاسے سانجھے مفاد دے وسیع تر امورتے ڳالھ مہاڑ کیتی تے پاکستان تے قطر دے درمیان معاشی وسرمایہ کاری سودھے ٻئے شعبیں اچ پہلے توں استوار بہترین تعاون کوں مزید ودھاوݨ دے طریقیں تے ڳالھ مہاڑ کیتی ۔ امیر قطرنے قطر دی ترقی اچ پاکستانی محنت کشاں دیاں کوششاں دی تعریف کیتی تے خاص طورتے قطر دی میزبانی اچ فیفاورلڈ کپ 2022 دے کامیاب انعقاد دے موقع تے پاکستانی سکیورٹی حکام دی شاندار کارکردگی دی تعریف کیتی ۔ ملاقات اچ وزیراعظم شہبازشریف پاکستان دی ترقی دے منصوبیں اچ قطر دی مسلسل حمایت دی تعریف کریندے ہوئیں ݙوہیں ملکاں وچال تعاون ودھاوݨ دے وسیع مواقع کوں اجاگر کیتا ۔ ملاقات اچ قطر نال ݙو پاسے تعاون کوں مضبوط بݨاوݨ تے ݙو پاسے سرمایہ کاری ، تجارتی اتے پاکستان توں ہنرمند لوکاں دی قطر برآمد دے طریقیں تے ذرائع ودھاوݨ تے ڳالھ مہاڑ تھئی ۔ امیر قطر وزیراعظم شہبازشریف کوں قطر آمد تے خوش آمدید آکھیا۔ انہاں پاکستان اتے قطر دے درمیان معاشی تعاون ودھاوݨ اچ گھاٹی دلچسپی دا اظہار کیتے۔ انہاں پاکستان دی ترقی دے ایجنڈے اچ قطر دی طرفوں بھرپور تعاون دے پختہ عزم اتے حمایت جاری رکھݨ دا اعادہ کیتا۔ وزیراعظم امیر قطر کوں دورہ پاکستان دی دعوت ݙتی جیڑھی انہاں قبول کر ڳھدی ۔
