قوی خان دے انتقال نال پاکستان ھک لیجنڈ اداکار توں محروم تھی ڳئے ، وزیراعظم دا اداکار قوی خان دے انتقال تے ݙکھ تے افسوس

اسلام آباد۔6مارچ(اے پی پی) وزیراعظم محمد شہباز شریف پاکستان ٹیلی ویژن ، فلم، ریڈیو اتے سٹیج دے ممتاز اداکار قوی خان دے انتقال تے ݙکھ تے افسوس دا اظہار کیتے ۔ وزیراعظم آفس دے میڈیا ونگ توں جاری بیان موجب وزیراعظم شہباز شریف مرحوم دے اچے درجے درجات کیتے دعا تے انہاں دے خاندان نال تعزیت کیتی اے ۔ وزیراعظم آکھیے قوی خان دے انتقال نال پاکستان ھک لیجنڈ اداکارتوں محروم تھی ڳئے، قوی خان ھک اکیڈمی دی حیثیت رکھیندے ہن ، انہاں جہیا اداکار صدیاں بعد ڄمدے ، قوی خان ریڈیو پاکستان پشاوتوں چائلڈ سٹار دے طور تے کم شروع کیتا جیڑھا جو انہاں دے فطری ٹیلنٹ دا ثبوت اے،انہاں آکھیے قوی خان ورسٹائل اداکار ہن جنہاں ہر طرح دا کردار بخوبی ادا کیتے انہاں دی اداکاری حقیقت توں نیڑے تے قدرتی ہئی ۔ او پاکستان ٹیلی ویژن دے اُنہاں ابتدائی اداکاراں اچوں ہن جنہاں پاکستانی ٹیلی ویژن ڈرامیں دا منڈھ ٻدھݨ اچ اہم کردار نبھایا۔ وزیراعظم دعا کیتی جو الله تعالیٰ مرحوم کوں جنت الفردوس اچ جاہ ݙیوے ۔