لاہور۔6مارچ(اے پی پی)صدر مملکت ڈاکٹر عارف علوی آکھیے جو ڄڳ دا مقابلہ کرݨ کیتے فیصلہ سازی کوں تیکھا کرݨا ہوسی، ملک اچ صرف 9 فیصد ٻال انٹرمیڈیٹ توں ہائیرایجوکیشن تئیں ویندن، 2 کروڑ 20 لکھ ٻال سکولاں تؤں ٻاھرو ہین، پڑھے لکھے لوکاں دا ملک تؤں ٻاھر ونڄݨ چنتے دی ڳالھ اے، آئی ٹی دے شعبہ اچ توجہ ودھاوݨی ہوسی، ملک دی سیاسی و اقتصادی حالت وٹاوݨ اتے ترقی سانڳے تھنک ٹینک دی حوصلہ افزائی کرݨا ہوسی۔ اے ڳالھ انہاں گورنر ہائوس لاہور اچ یونیورسٹی آف لاہور دے سوشل سائنس ڈیپارٹمنٹ فیکلٹی ممبران اتے پی ایچ ڈی سٹوڈنٹس نال ملݨ ویلھے آکھی۔ ریکٹر یونیورسٹی آف لاہور ڈاکٹر محمد اشرف اتے ہیڈ آف تھنک ٹینک ڈاکٹر رابعہ اختر صدر مملکت کوں یونیورسٹی بارے بریفنگ ݙتی۔ صدر مملکت آکھیا جو ونویں نسل دا مستقبل سڄاکا کرݨ، ملکی ترقی اچ استاداں دا وݙا کردار اے، ڄق اچ اپݨی ڄاہ ٻݨاوݨ کیتے اپݨیاں کمزوریاں تے قابو پاوݨا ہوسی، طلبہ تعلیم دے نال نال تحقیق تے توجہ ݙیون۔ ایں موقع تے وفد صدر مملکت کوں یادگاری شیلڈ وی پیش کیتی۔
