اسلام آباد۔7مارچ (اے پی پی):وفاقی وزیر منصوبہ بندی ترقی و خصوصی اقدامات پروفیسر احسن اقبال آکھیے کامیاب نظام کوں چلاوݨ کیتے سزا اتے جزا ضروری اے جݙاں جو بہتر کارکردگی آلے ملازمین دی حوصلہ افزائی ضروری اے۔منڳل کوں وزارت منصوبہ بندی دے افسران اتے ملازمین اچ ایوارڈز تقسیم دی تقریب توں خطاب کریندے ہوئیں وفاقی وزیر آکھیے تقریب دا بنیادی مقصد وزارت دے افسران جنہاں اچ سارے کیڈر شامل ہن انہاں دے کم دی حوصلہ افزائی کرݨا اے ، جئیں دا آغاز وفاقی وزیر 1999 اچ کیتا ہئی ۔ وفاقی وزیر وزارت منصوبہ بندی دے افسران دی حوصلہ افزائی کیتے 1999 اچ شروع کیتی ڳئی روایت کوں بحال کریندے ہوئیں وزارت اچ بہترین کارکردگی دا مظاہرہ کرݨ آلے افسران تے ملازمین اچ تعریفی سنداں ونڈیاں جئیں اچ کیش انعام وی شامل اے۔سارے کیڈرز دے کل 22 افسران جنہاں کوں شاندار کارکردگی تے تعریفی اسناد نال نوازیا ڳئے ۔ ایں موقع تے خطاب کریندے ہوئیں وفاقی وزیر آکھیے کامیاب نظام کوں چلاوݨ کیتے سزا تے جزا ضروری اے جݙاں جو بہتر کارکردگی آلے ملازمین دی حوصلہ افزائی ضروری اے۔وفاقی وزیر ملازمین تے زور ݙتا جو او آپݨی کارکردگی اتے پیداواری صلاحیت ودھاون تے آپݨے کم کوں ھک مشن دے طور تے گھن تے ٹرن کیوں جو پاکستان ھک غیرمعمولی حالات توں گزردا پئے تے ایں ویلھے آپݨی پرفارمنس ودھاوݨی اے تاں جو پیداواری صلاحیت کوں مزید ودھایا ونڄ سڳے ۔
