اسلام آباد۔8مارچ(اے پی پی) وزیراعظم محمد شہبازشریف معاشرے اچ تریمتاں دے شاندار کردار انہاں کوں خراج تحسین پیش کریندے ہوئیں آکھیے انسانی حقوق تے ماحولیاتی تبدیلیاں دے حوالے نال سرگرم کارکن عائشہ صدیقہ جیہی نوجوان پاکستانی چھوہریں ملک دے روشن مستقبل کیتے امید دی کرن ہن۔ بدھ کوں تریمتاں دے عالمی ݙینھ دے موقع تے آپݨے ٹویٹ اچ وزیراعظم آکھیے عائشہ صدیقہ آپݨی صلاحیتاں دے ذریعے دنیاکوں ھک بہتر جاہ بݨاوݨ کیتے کوشاں ہن ۔ وزیراعظم آکھیے آپݨی جدوجہد دے ذریعے معاشرے اچ متحرک اتے فعال کردار اداکرݨ آلی تریمت امید دی کرن اتے روشن مستقبل دی نوید ہن۔ واضح رہے جو 24 سالہ عائشہ صدیقہ دی خدمات دے اعتراف اچ ٹائم میگزین انہاں کوں “اڄوکے سال دی تریمت ” قرار ݙتے۔
