اسلام آباد۔8مارچ(اے پی پی)صدر مملکت ڈاکٹر عارف علوی ملک اچ متعدی، غیر متعدی بیماریاں تے قابو پاوݨ تے ودھ توجہ ݙیوݨ دی لوڑھ تے زور ݙیندے آکھیے جو ملک اچ شعبہ صحت 22 کروڑ توں ودھ آبادی دا ٻھار نئیں چا سڳدا، ایں سانڳے مختلف بیماریاں بارے آگاہی اتے قابو پاوݨ کیتے فوری ا قدامات دی لوڑھ اے۔ اے ڳالھ انہاں آزاد جموں کشمیر میڈیکل کالج مظفرآباد (اے جے کے ایم سی) دے طلباء نال ایوان سدر اسلام اباد اچ ملݨ ویلھے آکھی۔ صدر طلباء کوں جی بسم اللہ آہدے آکھیا جو ڄق تیزی نال بدلدا پئے، ملک دے تعلیمی نظام کوں طلباء دی تجزیاتی صلاحیتاں چنڳیاں کرݨ تے توجہ ݙیندے ہوئے بدلدے حالات دے مطابق ڈھالݨا ہوسی، طلباء کوں اپݨیاں آئی ٹی مہارتاں بہتر کرݨیاں ہوسن جو اڄوکے دور اچ آئی ٹی دے شعبے دا ہر ڄاہ تے استعمال فیدہ مند اے۔
