اسلام آباد۔8مارچ(اے پی پی)صدر مملکت ڈاکٹر عارف علوی پاکستان دی ترقی و خوشحالی کیتے معاشی، سیاسی و سماجی شعباں اچ بہتری کیتے تریمتیں کوں ہکو سویں مواقع ݙیوݨ تے زور ݙتے۔ اے ڳالھ انہاں تریمتیں دے عالمی ݙینھ سانڳے ہک ٹیلی ویژن چینل ولوں ویمن لیڈرز ایوارڈز دی تقریب نال خطاب اچ آکھی۔ انہاں آکھیا جو تریمتیں کوں گھر توں ٻاہرو کم کرݨا چاہیدے اتے معاشرہ انہاں کوں اپݨے متعلقہ شعباں اچ بہترین کارکردگی ݙکھاوݨ دے موقع ݙیوے، جواناں کوں روزگار دی ڄاہ تے تریمتیں کوں ہراساں کرݨ دا چنتا مکاوݨ کیتے آپ ذمہ داری ݙکھاوݨی چاہیدی اے۔ انہاں آکھیا جو پاکستان صنفی مساوات سانڳے ڄق توں ٻہوں پچھو اے، سماجی و معاشی شمولیت سانقے جواناں اتے تریمتیں وچال وتھی مکاوݨ کیتے کڄھ کر ݙکھاوݨا ہوسی۔ صدر مملکت آکھیا جیکر اساں معاشی ترقی چاہندے ہیں تاں تریمتیں کوں گھراں تئیں محدود رکھݨ توں بچݨا ہوسی۔
