اسلام آباد۔9مارچ (اے پی پی):وفاقی وزیر تجارت سید نویدقمر پاکستان اتے متحدہ عرب امارات دے درمیان ݙو طرفہ تجارتی قدر ودھاوݨ دی لوڑھ تے زور ݙیندے ہوئیں آکھیے جو ݙوہیں ملکاں وچال قابل تجدید توانائی، زرعی، مویشیاں، ٹیکسٹائل، گوشت، پٹرولیم اتے مہمان نوازی دے شعبیں اچ تعاون دے ٻہوں سارے امکانات موجود ہن ۔ اے ڳالھ انہاں خمیس کوں پاکستان اچ متحدہ عرب امارات دے سفیر حماد عبید ابراہیم سالم الزابی نال ملاقات اچ آکھی اے ۔ انہاں آکھیے پاکستان تے متحدہ عرب امارات دے درمیان ݙو طرفہ تجارتی قدر ودھاوݨ دی لوڑھ اے ۔ ݙوہیں ملکاں وچال قابل تجدید توانائی، زرعی، مویشیاں،ٹیکسٹائل، گوشت، پٹرولیم تے مہمان نوازی دے شعبیں اچ تعاون دے ٻہوں سارے امکانات ہن ۔ مالی سال 2022 اچ ݙوہیں ملکاں وچال کل تجارت دا حجم 10033.05 ملین ڈالرہئی جیں اچ متحدہ عرب امارات کوں برآمدات 1369.83 ملین ڈالر اتے درآمدات 8663.22 ملین ڈالر رہیاں۔
