اسلام آباد۔9مارچ(اے پی پی)صدر مملکت ڈاکٹر عارف علوی آکھیے جو دماغی صحت وݙا چیلنج اے، ملک اچ ذہنی صحت دی لوڑھ پوری کرݨ کیتے مربوط اقدامات دی لوڑھ اے، ملک دی 24 فیصد آبادی ذہنی صحت دے کہیں نا کہیں مسئلے دا شکار اے، ذہنی صحت بارے حکومت، ماہرین صحت، سول سوسائٹی دی تنظیماں اتے میڈیا فوری توجہ ݙیون۔ اے ڳالھ انہاں ایوان صدر اسلام آباد اچ اپݨی اڳواݨی اچ تھیوݨ آلے ذہنی صحت بارے اجلاس نال خطاب اچ آکھی۔ اجلاس اچ وزیراعظم اسٹریٹجک ریفارمز یونٹ دے سربراہ سلمان صوفی اتے ماہرین نفسیات وی ویڈیولنک شریک تھین اتے شرکا دماغی صحت دے مسلیاں تے لوکاں کوں رہنمائی ݙیوݨ کیتے ہک باہمی نگہداشت ماڈل اپناوݨ دی لوڑھ تے زور ݙتے۔ سلمان صوفی وزیر اعظم سیکرٹریٹ ولوں دماغی صحت دی خدمات تئیں رسائی کیتے ہمراز پلیٹ فارم اتے مینٹل ہیلتھ ہیلپ لائن بارے بریفنگ ݙتی۔
