اسلام آباد۔9 مارچ(اے پی پی)وزیراعظم شہبازشریف دی اڳواݨی اچ اسلام آباد اچ تھیوݨ آلے وفاقی کابینہ دے اجلاس اچ وزارت ماحولیاتی تبدیلی ولوں پیش کیتی ڳئی “نیشنل کلین ایئر پالیسی” دی منظوری ݙتی ڳعی اے، پالیسی دا مقصد ملک اچ فضائی آلودگی ڳھٹاوݨ، ہوا دا معیار بہتر کرݨ، آلودگی نال اموات تے قابو پاوݨ، شہریاں دی صحت اتے غذائی تحفظ، معاشی سرگرمیاں ودھاوݨ اے۔ اے ڳآلھ وفاقی وزیر ماحولیاتی تبدیلی سینیٹر شیری رحمان اپݨے ٹویٹ اچ ݙسائی اے۔ انہاں آکھیا جو پالیسی سارے متعلقہ فریقاں دی ہکو سویں صلاح نال ٻݨائی ڳئی اے، پاکستان اچ ودھدی آلودی تے قابو پاوݨ ہک چیلنج اے، لاہور اتے کراچی اچ آلودگی دی صورتحال چنتے آلی اے، فضائی آلودگی ماحولیات اتے صحت دا سنگین مسئلہ ٻݨیا ہوئے جیندے نال 2019 اچ ملک اچ 2 لکھ 35 ہزار اموات تھین اتےا وسط عمر 2.7 سال ڳھٹ چکی اے، ساکوں فضائی آلودگی نال معاشی نقصان توں بچݨ کیتے ہک جامع پالیسی دی لوڑھ ہئی جیندی منظوری نال تکنیکی و انتظامی اقدامات کر تے نقصان توں بچیا ونڄ سڳدے۔
