اسلام آباد۔10مارچ (اے پی پی) وزارت مذہبی امور وفاقی کابینہ توں منظوری دے بعد حج پالیسی 2023 دا اعلان کرݙتے جئیں مطابق ایں سال ہک لکھ 79 ہزار 210 پاکستانی حج دی سعادت حاصل کریسن۔ حج کوٹہ 50فیصد سرکاری اتے 50 فیصد نجی حج سکیماں اچ برابر ونڈیا ویسی۔ سرکاری سکیم دے تحت شمالی ریجن دا پیکیج 11 لکھ 75 ہزار اتے جنوبی ریجن دا 11 لکھ 65 ہزار روپے ہوسی۔ مفت حج دا تصور کائنا ہوسی۔ گزریل پںج سالیں اچ حج کرݨ آلے ایں سال ریگولر حج سکیم اچ درخواست ݙیوݨ دے اہل کائنا ہوسن۔ سرکاری اتے پرائیویٹ حج سکیماں دے ادھ کوٹے دی بکنگ سپانسر شپ سکیم دے تحت کیتی ویسی اتے پاکستان تون ڈالر جمع کرݨ اچ تعاون ملسی۔ ٻاہرلے ملک زرمبادلہ دے ذریعے آوݨ آلی درخواستاں پہلے آؤ پہلے ڳھنو دی بنیاد تے ݙتی ویسن۔ فنانس ڈویژن توں منظوری دے بعد حج درخواستاں دی وصولی 16 مارچ توں شروع تھیسی۔ جمعے کوں وزیر مذہبی امور مفتی عبدالشکور حج 2023 دے پالیسی دا اعلان پریس کانفرنس کریندیں ہوئیں آکھی۔ انہاں آکھیا جو وفاقی کابینہ اپݨے کل دے اجلاس اچ حج پالیسی 2023 دی منظوری کر ݙتی اے۔
