اسلام آباد ۔11مارچ (اے پی پی) وزیراعظم محمد شہباز شریف آکھیا جو خوراک اچ خودکفالت پاکستان کوں ٻہوں معاشی مسئلیاں توں بچا سڳدی اے، کپاہ دی فی ایکڑ پیداوار اچ ودھارے کیتے فوری اتے طویل المدتی اقدامات فوری شروع کیتے ونجن۔ حکومت کپاہ دے کاشتکاراں کوں انہاں دی فصل دی منافع بخش نرخ ݙیسی۔ وزیراعظم آفس دے مطابق چھݨ چھݨ کوں زرعی ٹاسک فورس ولوں جاری اصلاحات اتے کپاہ دی آندی فصل بارے جائزہ اجلاس دی صدارت کریندیں ہوئیں وزیراعظم محمد شہباز شریف ملک اچ کپاہ دی پیداوار اچ ودھارے کیتے وݙا فیصلہ کریندیں ہوئیں کپاہ دی فصل کوں منافع بخش ٻݨاوݨ کیتے ٹاسک ݙے ݙتے۔ وزیراعظم خصوصی ہدایت کیتی جو زرعی اجناس دی عوام تئیں فراہمی سودھے فوڈ چین کوں بہتر ٻݨاوݨ کیتے ٻے مسئلیاں کوں جامع حکمت عملی نال حل کیتا ونڄے۔ اجلاس کوں کپاہ دی سپورٹ پرائس دی تجویزاں پیش کیتی ڳی۔ اجلاس اچ وفاقی وزیر قومی غذائی تحفظ طارق بشیر چیمہ، وفاقی وزیر تجارت سید نوید قمر، مشیرِ وزیرِ اعظم احد چیمہ، معاونِ حصوصی جہانزیب خان، وزیرِ اعلی پنجاب سید محسن نقوی اتے متعلقہ وفاقی تے صوبائی حکام شریک تھیے۔
