اسلام آباد۔13مارچ(اے پی پی)وزیرِ اعظم محمد شہباز شریف موٹر سائیکل و رکشہ آلیاں کوں رعایتی پٹرول ݙیوݨ دا فیصلہ کیتے ڄݙاں جو اسلام آباد اچ 10 لکھ لوکاں کوں رمضان اچ مفت اٹا ݙتا ویسی۔ اے فیصلہ وزیرِاعظم محمد شہباز شریف دی اڳواݨی اچ غریب و متوسط طبقے کوں مہانگ دے اثرات توں بچاوݨ کیتے اقدامات بارے اعلیٰ سطح اجلاس اچ تھئے۔ اجلاس اچ سابق وزیرِ اعظم شاہد خاقان عباسی، وفاقی وزیرِ خزانہ اسحاق ڈار، مشیرِ وزیرِ اعظم احد چیمہ، وزیرِ مملکت پٹرولیم ڈاکٹر مصدق ملک اتے متعلقہ اعلیٰ حکام شرکت کیتی۔ اجلاس اچ ݙسایا ڳیا جو رمضان اچ اسلام آباد اتے ایندے علاقیاں اچ لوکاں کوں مفت اٹا ݙیوݨ کیتے پروگرام حتمی مراحل اچ اے جیندے نال ݙیݙھ لکھ ٹٻڑاں کوں مف اٹا ملسی۔ وزیراعظم موٹر سائیکل اتے رکشہ آلیاں کوں رعایتی پٹرول ݙیوݨ کیتے پروگرام توڑ پچاوݨ دی وی ہدایت کیتی جو غریباں کوں مہانگ دے اثرات توں بچایا ونجے۔ وزیرِ اعظم آکھیا جو مفت اٹا شفافیت نال ݙیوݨ کیتے جدید ٹینکالوجی استعمال کیتی ونڄے۔
