اسلام آباد۔14مارچ(اے پی پی)وزیراعظم محمد شہبازشریف بحرین نال آئی ٹی، ادویات، تعمیرات، غذائی تحفظ اتے ہنر مند افرادی قوت سودھا مختلف شعباں اچ تعاون ودھاوݨ تےز ور ݙتے۔ او نیشنل گارڈ سلطنت بحرین دے کمانڈر جنرل شیخ محمد بن عیسیٰ بن سلمان الخلیفہ نال ملݨ ویلھے الیندے پئے ہن۔ وزیر اعظم ݙوہاں ملکاں وچال تاریخی برادرانہ تعلقات تے اطمینان کریندے باہمی ڳانݙھا ودھاوݨ دا آکھیا۔ بحرین دے کمانڈر ݙوطرفہ تعلقات …
وزیراعظم محمد شہباز شریف نال بحرین نیشنل گارڈ دے کمانڈر جنرل شیخ محمد بن عیسیٰ بن سلمان الخلیفہ دی ملاقات
اسلام آباد۔14مارچ(اے پی پی)وزیراعظم محمد شہبازشریف بحرین نال آئی ٹی، ادویات، تعمیرات، غذائی تحفظ اتے ہنر مند افرادی قوت سودھا مختلف شعباں اچ تعاون ودھاوݨ تےز ور ݙتے۔ او نیشنل گارڈ سلطنت بحرین دے کمانڈر جنرل شیخ محمد بن عیسیٰ بن سلمان الخلیفہ نال ملݨ ویلھے الیندے پئے ہن۔ وزیر اعظم ݙوہاں ملکاں وچال تاریخی برادرانہ تعلقات تے اطمینان کریندے باہمی ڳانݙھا ودھاوݨ دا آکھیا۔ بحرین دے کمانڈر ݙوطرفہ تعلقات سودھا مشترکہ مفاد دے سارے شعبیاں اچ تعاون تکڑا کرݨ کیتے رل مل تے کم کرݨ تے زور ݙیندے آکھیا جو ݙوہیں ٻھرا ملک ہر ݙکھ سکھ دے سنڳتی ہین، پاکستان دے ہنر مند افراد دا بحرین دی ترقی اچ وݙا کردار اے، ایں ویلھے بحرین اچ ہک لکھ 20 ہزار توں ودھ پاکستانی بحرین اچ ہین جیڑھے ݙوہیں ملکاں وچال روابط اتے تعمیر و ترقی اچ ہتھ ونݙیندے پن۔
