عمران خان پولیس اتے گرفتاری توں لُک تے اپݨا مذاق اݙائے، سینیٹر شیری رحمان دا ٹویٹ

اسلام آباد۔15مارچ (اے پی پی) وفاقی وزیر برائے ماحولیاتی تبدیلی سینیٹر شیری رحمان آکھیا جو باعزت طریقے نال سیاستدان دا قد ودھدے، عمران خان پولیس اتے گرفتاری توں لُک تے اپݨا مذاق اݙائے۔ بدھ کوں اپݨے ہک ٹویٹ اچ انہاں آکھیا جو کہیں وی سیاسی لیڈر گرفتاری توں بچݨ کیتے کݙاں اتنا تماشہ نی لاتا جتنا ڈرپوک خان لاتے۔ قانون دی حکمرانی دا پرچار کرݨ آلے عمران خان اتے اوندی ڈنڈا بردار فورس کل توں قانون دی دھجیاں اݙیندے پن۔ انہاں آکھیا جو باعزت طریقے نال گرفتاری ݙیوݨ نال سیاستدان دا قد ودھدے۔ ۔ شہید ذوالفقار علی بھٹو، شہید بینظیر بھٹو، آصف علی زرداری اتے ٻے ہمیشہ کلھدیں ہوئیں قانون اتے عدالت دا سامݨا کیتے اتے گرفتاریاں ݙتن۔