ایں سال گرمیاں اچ لوڈشیڈنگ ڳھٹ تھیسی، گوادر اچ بجلی دی وافر فراہمی دا مسئلہ حل کر ݙتے، وفاقی وزیر توانائی انجینئر خرم دستگیر خان دی پریس کانفرنس

اسلام آباد۔15مارچ (اے پی پی) وفاقی وزیر برائے توانائی انجینئر خرم دستگیر خان آکھیا جو ایں سال گرمیاں اچ لوڈشیڈنگ ڳھٹ تھیسی، گوادر اچ بجلی دی وافر فراہمی دا مسئلہ حل کر ݙتے جئیں پاروں ایران نال تھیوݨ آلے معاہدے دے تحت سو میگاواٹ بجلی گوادر کوں ملسی۔ تھرکول پراجیکٹ سسٹم نال 2000میگا واٹ بجلی دی بلا تعطل فراہمی کیتے ٹرانسمیشن لائن تے کم جاری اے جئیں کوں گرمیاں دے آوݨ توں پہلے پورا کر ڳھدا ویسی، ،مانسہرہ اچ پاکستان دا ساریاں توں وݙا 765 کے وی دا گرڈ سٹیشن ٻݨایا ویسی جئیں پاروں داسو اتے دیامیر بھاشا ڈیم نال بݨݨ آلی بجلی ملک دے سسٹم اچ شامل کیتی ویسی۔ اے ڳالھیں انہاں بدھ کوں پریس کانفرنس توں خطاب کریندیں ہوئیں آکھی۔ وفاقی وزیر آکھیا جو گوادر اچ رہݨ آلیاں کیتے بجلی دی وافر اتے مسقتل فراہی دا مسئلہ حل کر ݙتے۔ پچھلے سال جون اچ ایران نال سو میگاواٹ بجلی دا معاہدہ کیتا ڳیا ہئی، پچھلے مہینے پاکستان اپݨی پاسوں 20 کلومیٹر دی ٹرانسمیشن لائن دا کم پورا کر ڳھدے اتے ایران ولوں اے کم جلدی پورا کر ڳھدا ویسی۔