صدر مملکت ڈاکٹر عارف علوی کوں ملائیشیا، پرتگال، کوسووو، لیتھوانیا اتے ایکواڈور دے نامزد سفراء اسناد سفارت پیش

اسلام آباد۔15مارچ (اے پی پی) صدر مملکت ڈاکٹر عارف علوی کوں ملائیشیا، پرتگال، کوسووو، لیتھوانیا اتے ایکواڈور دے نامزد سفراء اسناد سفارت پیش کر ݙتی۔ ایوان صدر دے پریس ونگ توں جاری بیان موجب صدرمملکت نال پاکستان اچ ملائیشیا دے نامزد ہائی کمشنربدھ کوں ایوان صدر اچ ملاقات کیتی۔ صدرمملکت مختلف معاملیاں تے بین الاقوامی فورمز تے پاکستان دی مسلسل حمایت تے ملائیشیا دا شکریہ ادا کیتا۔ صدر نال پاکستان اچ پرتگال دے نامزد سفیر وی ملاقات کیتی۔ ایں موقع تے صدرمملکت آکھیا جو پاکستان اتے پرتگال وچال تجارت، زراعت اتے سرمایہ کاری دے شعبیاں اچ تعاون دے ٻہوں موقع موجود ہن۔ ڈاکٹر عارف علوی نال پاکستان کیتے کوسووو دے نامزد سفیر وی ملاقات کیتی۔ صدر ڈاکٹر علوی نال پاکستان کیتے لیتھوانیا دے نامزد سفیر وی ملاقات کیتی۔ صدر نال پاکستان کیتے ایکواڈور دے نامزد سفیر ملاقات کیتی۔