اسلام آباد۔16 مارچ(اے پی پی)وزیر اعظم محمد شہباز شریف آکھیے جو پاکستان دے جوہری اتے میزائل پروگرام بارے سوشل اتے پرنٹ میڈیا تے چلݨ آلے بیانات، پریس ریلیز، سوالات اتے مختلف دعویاں اچ بین الاقوامی ایٹمی توانائی ایجنسی (آئی اے ای اے) دے ڈائریکٹر جنرل رافیل ماریانو گروسی دے دورہ پاکستان سانڳے پرامن ایٹمی پروگرام کوں منفی انداز اچ پیش کیتا گئے۔ وزیر اعظم واضح کیتے جو پاکستان دا ایٹمی اتے میزائل پروگرام ہک قومی ترکہ اے جیندی ریاست غیرت مندی نال حفاظت کریندی اے، اے مکمل پروگرام کلی طور تے محفوظ، فول پروف اتے کہیں وی دباؤ دے بغیر اے، اے پروگرام او مقصد پورا کریندے جیندے کیتے اے صلاحیت ڳھدی ڳئی ہئی۔
