اسلام آباد۔17مارچ (اے پی پی) پاکستان سعودی عرب اتے ایران وچال سفارتی تعلقات کوں معمول تے ڳھن آوݨ دا خیر مقدم کیتے اتے ایں تاریخی معاہدے کوں مربوط کرݨ اچ چین دی قیادت دی تعریف کیتی اے۔ دفتر خارجہ دی ترجمان ممتاز زہرا بلوچ جمعے کوں پریس بریفنگ اچ آکھیا جو اساکوں یقین اے جو اے سفارتی پیش رفت خطے اتے اوں توں باہر امن تے استحکام اچ معاون ثابت …
سعودی عرب اتے ایران وچال سفارتی پیش رفت خطے اتے اوں توں باہر امن تے استحکام اچ معاون ثابت تھیسی، ترجمان دفتر خارجہ
اسلام آباد۔17مارچ (اے پی پی) پاکستان سعودی عرب اتے ایران وچال سفارتی تعلقات کوں معمول تے ڳھن آوݨ دا خیر مقدم کیتے اتے ایں تاریخی معاہدے کوں مربوط کرݨ اچ چین دی قیادت دی تعریف کیتی اے۔ دفتر خارجہ دی ترجمان ممتاز زہرا بلوچ جمعے کوں پریس بریفنگ اچ آکھیا جو اساکوں یقین اے جو اے سفارتی پیش رفت خطے اتے اوں توں باہر امن تے استحکام اچ معاون ثابت تھیسی۔ انہاں آکھیا جو اساکوں امید اے جو سعودی عرب اتے ایران وچال سفارتی تعلقات معمول تے ڳھن آوݨ نال علاقائی تعاون اتے ہم آہنگی دا نمونہ متعین تھیسی۔ ترجمان آکھیا جو سیکرٹری خارجہ ڈاکٹر اسد مجید خان ایں ویلھے چین نال ݙو پاسہ سیاسی مشورے دی غرض نال پاکستانی وفد دی قیادت کرݨ کیتے بیجنگ اچ ہن۔ ڳالھ مہاڑ اچ چینی وفد دی قیادت نائب وزیر خارجہ سن ویڈونگ کریندے پن۔ ݙوہیں فریقین ݙوپاسہ تعلقات دے سارے شعبیاں اتے اہم علاقائی اتے عالمی پیش رفت تے ڳالھ مہاڑ کریسن۔ خارجہ سکریٹری چین دے سٹیٹ قونصلر اتے وزیر خارجہ کن گینگ اتے سی آئی ڈی سی اے دے چیئرمین لو ڑاو ہوئی نال وی ملاقات کریسن۔ ڈاکٹر اسد مجید خان چینی ماہرین تعلیم اتے تھنک ٹینکس نال وی ڳالھ مہاڑ کریسن۔
