اسلام آباد۔21مارچ(اے پی پی) صدر مملکت ڈاکٹر عارف علوی آل پاکستان نیوزپیپرز سوسائٹی دے نویں منتخب عہدیداران کوں مبارخ ݙتی اے ۔ ایوان صدر دے پریس ونگ توں جاری بیان موجب صدر مملکت نازآفرین سہگل لاکھانی اتے سرمد علی کوں اے پی این ایس دا متفقہ صدر اتے سیکرٹری جنرل منتخب تھیوݨ تے مبارخ ݙیندے ہوئیں امید ظاہر کیتی جو نویں منتخب عہدیداران ملک اچ ذرائع ابلاغ دی ترقی کیتے اقدامات مزید تکھے کریسن ۔ صدر مملکت امتنان شاہد کوں بطور سینئر نائب صدر، محمد اسلم قاضی کوں نائب صدر، ایس ایم منیر جیلانی دے بطور جائنٹ سیکرٹری اتے شہاب زبیری دے بطور فنانس سیکرٹری اے پی این ایس منتخب تھیوݨ تے وی مبارخ ݙتی اے ۔ انہاں آکھیے میڈیا ملک اچ امن، برداشت، اخلاقی اتے جمہوری اقدار دے ودھارے کیتے کم کرے۔ ڈاکٹرعارف علوی فیک نیوز دے تدارک کیتے اخبارات دی طرفوں کردار ادا کرݨ دی ضرورت تے زور ݙیندے ہوئیں آکھیے جو ذرائع ابلاغ سماجی مسئلیں ، تریمتاں تے خصوصی لوکاں دے حقوق تے لوکاں کوں آگاہی ݙیون۔
