پاکستان سویڈن ݙو پاسے سیاسی مشاورت، ݙو پاسے مذاکرات ،سانجھے رابطے تے تعاون ودھاوݨ تے اتفاق

اسلام آباد۔24نومبر(اے پی پی) پاکستان تے سویڈن ݙو پاسے تعاون دی رفتار تے اعتماد دا اظہار کریندے ہوئیں اڳلے سال پاکستان اتےتر سویڈن سفارتی تعلقات دے قیام دی 75ویں سالگرہ مناوݨ ، ݙو پاسے مذاکرات، سانجھے رابطے تے تعاون ودھاوݨ تے وی اتفاق کیتے ۔ ترجمان دفتر خارجہ موجب پاکستان تے سویڈن دے ݙو پاسے سیاسی مشاورت دا17واں دور سٹاک ہوم اچ تھیا ۔ ایڈیشنل سیکرٹری خارجہ (یورپ)، سفیر شفقت علی خان پاکستانی وفد جݙاں جو سویڈن دی طرفوں ڈائریکٹر جنرل اتے گلوبل ڈیپارٹمنٹ دے سربراہ ڈیگ جوہلن ڈینفیلٹ تے قائم مقام ہیڈ آف ڈیپارٹمنٹ فار ایشیا اینڈ پیسیفک آسکر سلائیٹ مشترکہ قیادت کیتی۔ سویڈن دی وزارت خارجہ سفیر شفقت خان سٹیٹ سیکرٹری خارجہ امور جان ناٹسن نال وی ملاقات کیتی ۔فریقین سیاسی، اقتصادی، تجارتی، سرمایہ کاری اتے تعلیم سودھے ݙو پاسے تعلقات دے سارے شعبیں دا جائزہ ڳھدا ۔ ایڈیشنل سیکرٹری خارجہ یورپی یونین دی صدارت دی مدت کامیابی نال مکمل کرݨ تے سویڈن کوں مبارخ ݙتی تے آکھیے جو پاکستان قابل تجدید توانائی، سسٹین ایبل ٹیکنالوجیز، ویسٹ مینجمنٹ، آئی سی ٹی اتے آر اینڈ ڈی اچ تعاون ودھاوݨ چاہندے ۔ انہاں مزید سویڈش کمپنیاں دی طرفوں پاکستان اچ کاروبار سانڳے سازگار ماحول توں فیدہ چاوݨ دا خیر مقدم تے سویڈن دے حکام اقتصادی اتے سیاسی تعاون تے مبنی وسیع البنیاد ݙو پاسے تعلقات بݨاوݨ دے عزم دا اعادہ کیتے ۔پاکستان سویڈن ݙو پاسے سیاسی مشاورت دا اڳلا دور اسلام آباد اچ تھیسی ۔