ملکی معیشت اچ بنیادی اہمیت دی حامل آئی ٹی انڈسٹری ودھ توں ودھ مراعات، سہولتان تے انعام دی مستحق اے، ڈاکٹر عمر سیف

لاہور۔13فروری(اے پی پی):نگران وفاقی وزیر انفارمیشن ٹیکنالوجی وٹیلی کمیونیکیشن ڈاکٹر عمر سیف آئی ٹی ایکسپورٹ اچ نمایاں کردار ادا کرݨ آلی کمپنیاں اچ حکومت دی طرفوں 80 کروڑ روپے توں ودھ دی رقم بطور انعام تقسیم کرݙتی، شاندار کارکردگی دا مظاہرہ کرݨ آلیاں کمپنیاں کوں نقد انعامات دے نال خصوصی ایوارڈز نال وی نوازیے ۔  ملک دی معیشت اچ بنیادی اہمیت دی حامل آئی ٹی انڈسٹری ودھ توں ودھ مراعات، سہولتاں تے انعامات دی مستحق اے، اے کمپنیاں دنیا اچ پاکستانی ہنرمنداں دی ڈیجیٹل صلاحیتاں دی خدمات دے عوض باری زرمبادلہ کمیندے ہوئیں ملک دی معیشت کوں تکڑا کریندے پئن ۔ آئی ٹی سیکٹر دی کارکردگی ایجھی ہی رہی تاں امید اے وختی 10 ارب ڈالرزآئی ٹی ایکسپورٹ دا ہدف وی گھن گھنسوں ۔ وفاقی وزیر آئی ٹی ڈاکٹر عمر سیف اے ڳالھ وزارت آئی ٹی و ٹیلی کمیونیکیشن دے ادارے پاکستان سافٹ ویئر ایکسپورٹ بورڈ دے اہتمام نال لاہوراچ تقریب تقسیم انعامات توں بحیثیت مہمان خصوصی اپݨے خطاب اچ آکھی اے ۔تقریب اچ ایڈیشنل سیکریٹری آئی ٹی و چیف ایگزیکٹیو پاکستان سافٹ ویئر ایکسپورٹ بورڈ محترمہ عائشہ حمیرا موریانی، ممبر آئی ٹی سید جنید امام، آئی ٹی ایسوسی ایشن (پاشا) دے چیئرمین محمد زوہیب خان سمیت وزارت آئی ٹی دے ٻئے حکام تے آئی ٹی انڈسٹری نال تعلق رکھݨ آلی معروف شخصیات دی وݙی تعداد شریک ہئی ۔