شی-آن۔8جون(اے پی پی):وزیرِاعظم محمد شہباز شریف آکھیے پاکستان تاریخی و ثقافتی ورثہ نال مالامال اے،پاکستان اچ تاریخی و ثقافتہ جہیں دی بحالی دے بعد انہاں کوں سیاحتی جہیں اچ بدال ݙیسوں چینی حکومت دی تاریخی ورثہ دی حفاظت تے بحالی قابل تقلید اے،چین اپݨی محنت نال پوری دنیا دے ہرشعبے اچ آپݨا لوہا منوائے۔ اے ڳالھ وزیر اعظم محمد شہباز شریف ہفتے کوں ٹیراکوٹا وارئیر میوزیم دا دورہ کریندے ہوئیں …
وزیرِ اعظم محمد شہباز شریف دا چین دے تاریخی ورثہ ٹیراکوٹا وارئیر میوزیم دا دورہ
مزید خبراں
شی-آن۔8جون(اے پی پی):وزیرِاعظم محمد شہباز شریف آکھیے پاکستان تاریخی و ثقافتی ورثہ نال مالامال اے،پاکستان اچ تاریخی و ثقافتہ جہیں دی بحالی دے بعد انہاں کوں سیاحتی جہیں اچ بدال ݙیسوں چینی حکومت دی تاریخی ورثہ دی حفاظت تے بحالی قابل تقلید اے،چین اپݨی محنت نال پوری دنیا دے ہرشعبے اچ آپݨا لوہا منوائے۔ اے ڳالھ وزیر اعظم محمد شہباز شریف ہفتے کوں ٹیراکوٹا وارئیر میوزیم دا دورہ کریندے ہوئیں آخھی اے ۔ وزیرِ اعظم محمد شہباز شریف دورہءِ چین دے موقع تے شی-آن اچ پاکستانی وفد دے رلے چین دے تاریخی ورثہ ٹیراکوٹا وارئیر میوزیم دا دورہ کیتے۔ وزیر اعظم آفس میڈیا ونگ توں جاری اعلامیہ موجب گزریل ݙینھ چینی صدر عزت مآب شی جن پنگ وزیرِ اعظم کوں اپݨے آبائی شہر شی-آن اچ ٹیرا کوٹا وارئیرز میوزیم دا دورہ کرݨ دی دعوت ݙتی ہئی ۔دورے تے وزیرِ اعظم اتے پاکستانی وفد کوں تاریخی ورثہ جات دے تحفظ و بحالی اتے سیاحت دے ودھارے دے حوالے نال بریفنگ ݙتی ڳئی ۔ وزیرِ اعظم محمد شہباز شریف میوزیم دے مختلف حصیں دا دورہ کیتے پراݨے چینی تاریخی ورثے دی خوبصورتی تے چینی ہنر دی تعریف کیتی اتے آکھیے عظیم قوماں چین وانڳوں آپݨے تاریخی ورثے دی حفاظت کریندن ۔ وزیر اعظم محمد شہباز شریف دے ٹیراکوٹا وارئیر میوزیم دے دورہ تے وفاقی وزراء خواجہ محمد آصف، احسن اقبال، محمد اورنگزیب، عطاء اللہ تارڑ، ڈاکٹر مصدق ملک، سردار اویس خان لغاری تے رانا تنویر حسین وی انھاں دے رلے ہن۔
