آندے چووی گھنٹے اچ ملک اچ موسم تتا تے رکھا ، وسطی /جنوبی میدانی علاقیں اچ ٻہوں تتا رہݨ دا امکان اے ، محکمہ موسمیات

اسلام آباد۔9جون(اے پی پی) آندے چووی گھنٹے اچ ملک دیاں ٻہوں ساریاں جہیں تے موسم تتا تے رکھا ، وسطی /جنوبی میدانی علاقیں اچ ٻہوں تتا رہݨ دا امکان اے۔ ۔ محکمہ موسمیات موجب شام /رات  ویلھے گلگت بلتستان اچ موسم جھڑ رہݨ دے علاوہ کجھ جہیں تے کھمݨ نال ہلکا مینھ وسݨ دا امکان اے ۔ گزریل چووی گھنٹے اچ اُتلے خیبرپختونخوا، کشمیر، گلگت بلتستان اتے شمالی بلوچستان اچ کجھ جہیں تے اندھاری گھلݨ تے کھمݨ نال مینھ وسیا جݙاں جو ملک دیاں ٻیاں جہیں تے موسم تتا تے رکھا رہیا ۔ ساریں توں ودھ مینھ مظفرآباد (شہر 7، ایئرپورٹ 6)، گڑھی دوپٹہ 5، دیر 7، مالم جبہ 4، بالاکوٹ 2،بگروٹ 6، گوپس 2، استور، گلگت ھک اتے ژوب اچ 2ملی میٹر مینھ ریکارڈ کیتا ڳئے ۔ اتوار کوں ریکارڈ کیتے ڳئے ودھ توں ودھ درجہ حرارت  دی رپورٹ موجب جیکب آباد ، دادو،موہنجوداڑو،سبی اچ درجہ حرارت 45، خیر پور، اوکاڑہ ، روہڑی اتے سکھر اچ 44 ڈگری سینٹی ریکارڈ کیتا ڳئے۔