این ڈی ایم اے ہیٹ ویو اچ پیشگی معلومات دے تبادلے اتے سٹیک ہولڈرز دے ردعمل نال جاںاں بچاوݨ اچ مدد کیتی، رپورٹ

اسلام آباد۔10جون (اے پی پی) نیشنل ڈیزاسٹر مینجمنٹ اتھارٹی (این ڈی ایم اے) آپݨے نیشنل ایمرجنسی آپریشن سینٹر (این ای او سی) توں ہیٹ ویو اچ پیشگی معلومات دے تبادلے اتے سٹیک ہولڈرز دے ردعمل نال جاںاں بچاوݨ اچ مدد کیتی جڈانجو پچھلے سالیں دے مقابلے ایںدے اثرات اچ پںجاہ فیصد ڳھٹکی تھئی اے۔ این ای او سی دے ہک سینئر عہدیدار سنوار کوں ”اے پی پی“ کوں ݙسیا جو نیشنل ایمرجنسی آپریشن سینٹر 2024 اچ پورے ملک اچ گرمی دی لہر دے اثرات کوں درست طریقے نال پیش کرݨ اچ کامیابی حاصل کیتی اے۔ اے کامیابی نیشنل ایمرجنسی آپریشن سینٹردی تکنیکی مہارت اتے فعال ڈیزاسٹر مینجمنٹ دے ذریعے صحت عامہ اتے حفاظت کیتے عزم کوں نشابر کریندی اے۔ انہاں آکھیا جو مارچ 2024 دے شروع اچ نیشنل ایمرجنسی آپریشن سینٹردی تکنیکی ٹیم مئی اتے جون اچ متوقع ہیٹ ویو دی پیش گوئی کیتی ہئی۔ ٹیم آکھیا جو مخصوص ویلھے اتے علاقیاں دی نشاندہی کیتی ڳئی جیڑھے جو ٻہوں درجہ حرارت توں متاثر تھی سڳدے ہن۔ نیشنل ایمرجنسی آپریشن سینٹر مارچ دے چھیکڑی ہفتے تئیں ہیٹ ویو دی تیاری اتے رد عمل بارے ہک دستاویز جاری کیتی جئیں اچ ہیٹ ویو دے سندھ اتے پنجاب دے علاقیاں کوں ساریاں توں ودھ حساس آکھیا ڳئیا ہئی۔ مئی 2024 اچ پاکستان اچ دو ہیٹ ویوز دے بعد جون دے شروع اچ ہک ٻئی شید ہیٹ ویو آئی، نیشنل ایمرجنسی آپریشن سینٹر ولوں ݙتی ڳئی معلومات پاروں انہاں ہیٹ ویوز دے منفی اثرات کوں ٻہوں حد تئیں ڳھٹ کیتا ڳئیا۔ نیشنل ڈیزاسٹر مینجمنٹ اتھارٹی دے حکام موجب مانیٹرنگ اتے فیڈ بیک میکانزم نال پتہ چلدے جو حفاظتی اقدامات دے نتیجے اچ انہاں دے اثرات اچ گزریل سالیں دے مقابلے پںجاہ فیصد ڳھٹکی تھئی اے۔ اتھارتی مختلف غیر سرکاری تنظیماں، بین الاقوامی غیر سرکاری تنظیماں اتے صوبائی ڈیزاسٹر مینجمنٹ اتھارٹیز دی سانجھ نال اڄوکی ہیٹ ویو دا موثر انتظام کیتا جئیں نال سندھ اتے پنجاب دے علاقیاں کوں خطرہ ہئی۔ شدید گرمی توں فوری ریلیف اتے تحفظ ݙیوݨ کیتے سندھ اتے پنجاب اچ ہیٹ ویو کولنگ سینٹرز ٻݨائے ڳئے۔ انہاں کوششاں دے چنڳے نتیجے آئے اتے صرف 4005 مریضاں کوں ہسپتال اچ داخل کیتا ڳئیا اتے انہاں کوں ویلھے تے امداد ݙتی ڳئی۔ سندھ اتے پنجاب اچ ہیٹ ویو دا موثر انتظام ایجھی سانجھے داری کوں ودھاوݨ اتے کمیونٹیز دی حفاظت دے امکانات کوں اجاگر کریندے۔