کابینہ ڈویژن دے مختلف منصوبیں سانڳے 40773 ملین روپے رکھئن

اسلام آباد۔12جون (اے پی پی):وفاقی حکومت آندے مالی سال 2024-25 کیتے سرکاری شعبہ دے ترقیاتی پروگرام (پی ایس ڈی پی) دے تحت کابینہ ڈویژن دے مختلف منصوبیں کیتے 40773 ملین روپے رکھئن ۔ جاری پی ایس ڈی پی موجب کابینہ ڈویژن دے جاری منصوبیں اچ نیشنل آرکائیو آف پاکستان دی ماڈرنائزیشن کیتے 21.771ملین روپے ، پائیدار ترقی دے اہداف دے حصول پروگرام کیتے 40000ملین روپے مختص کیتے ڳئن۔ کابینہ ڈویژن دی نویاں سکیماں اچ اسلام آباد ٹیکنوپولائز انفراسٹرکچر کیتے 501.223ملین روپے ، نیشنل آرکائیو آف پاکستان دی عمارت دی اپ گریڈیشن کیتے 100ملین روپے ،سکیورٹی ، سولر سسٹم اتے ٻئے کماں کیتے 150ملین روپے رکھئن ۔