اسلام آباد اچ کینسر ہسپتال بݨاوݨ سانڳے قومی وزارت صحت دے منصوبے کیتے 1060.093 ملین روپے دے فنڈزرکھئے ڳئن

اسلام آباد۔12جون(اے پی پی):آندے مالی سال 25-2024 اچ سرکاری شعبہ دے ترقیاتی پروگرام (پی ایس ڈی پی)دے تحت اسلام آباد اچ کینسر ہسپتال دی تعمیر دے قومی وزارت صحت دے منصوبے کیتے 1060.093 ملین روپے دے فنڈز مختص کیتے ۔ پی ایس ڈی پی موجب منصوبے تے مجموعی لاگت دا تخمینہ 3406.169 ملین روپے اے جݙاں جو 30 جون 2024 تئیں پہلے توں جاری ایں منصوبے سانڳے 1500 ملین روپے دے فنڈز دا اجرامتوقع اے۔ اے منصوبہ قومی وسائل نال مکمل کیتا ویسی جیں سانڳے آندے مالی سال 25-2024 اچ 1060.093 ملین روپے دے فنڈزرکھئے ڳئن۔