وزیراعظم شہباز شریف دی صدارت اچ وفاقی کابینہ دا خصوصی اجلاس ، فنانس ٻل 2024-2025 قومی اسمبلی اچ پیش کرݨ دی منظوری

اسلام آباد۔12جون (اے پی پی) وزیراعظم محمد شہباز شریف دی صدارت اچ وفاقی کابینہ دا خصوصی اجلاس تھئے جیں اچ وفاقی کابینہ فنانس ٻل 2024-2025 قومی اسمبلی اچ پیش کر دی مںظوری ݙے ݙتی ۔ وزیراعظم آفس دے میڈیا ونگ توں جاری بیان موجب وفاقی کابینہ دے خصوصی اجلاس اچ مالی سال 2024-2025 دے وفاقی بجٹ دے حوالے نال تجویزاں پیش کیتیاں ڳئن تے انہاں تجاویزاں تے بحث کیتی ڳئی جیں دے بعد وفاقی کابینہ فنانس ٻل 2024-2025 کوں قومی اسمبلی اچ پیش کرݨ دی مںظوری ݙتی۔