پی ایس ڈی پی اچ خزانہ ڈویژن دے جاری، نویں منصوبیاں کیتے 6084 ملین روپے رکھݨ دی تجویز

اسلام آباد۔ 12 جون(اے پی پی)مالی سال 2024-25 دے سرکاری شعبہ دے سالانہ ترقیاتی روگرام (پی ایس ڈی پی) اچ خزانہ ڈویژن دے جاری اتے نویں منصؤبیاں کیتے کل 6084 ملین روپے مختص کرݨ دی تجویز اے جیندے اچ 1608.508 ملین روپے دی غیرملکی امداد شامل اے۔ بجٹ دستاویزات دے مطابق خزانہ ڈویژن دے جاری منصوبیاں کیتے 4012-321 ملین روپے رکھݨ دا آکھیا ڳئے جیندے اچ 1608.506 ملین روپے دی غیرملکی امداد شامل اے، پی ایس ڈی پی اچ خزانہ ڈویژن دے نویں منصوبیاں کیتے 2071.679 ملین روپے دی تجویز اے۔ پہلے توں جاری منصوبیاں اچوں اسلام آباد آئی ایٹ اچ فیڈرل آڈٹ کمپلیکس منصوبے کیتے 288.68ملین روپے، عالمی بینک دے ڳانݙھے نال مالیاتی انکلوژر اینڈ انفراسٹرکچر منصوبہ کیتے 1608.506 ملین روپے، آڈٹ منیجمنٹ انفارمیشن سسٹم کیتے 418.420 ملین روپے، پی ایف ایم پالیسی فریم ورک منصوبہ کیتے 80.000ملین روپے، پاکستان مانو منٹ کودی جدت دے منصوبے کیتے 829.506ملین روپے، نیشنل سیونگزکمپلیکس کیتے 7.200 ملین روپے، پاکستان آڈٹ اینڈ اکاونٹس کمپلیکس اسلام آباد کیتے 780 ملین روپے رکھݨ دی تجویز اے۔ نویں مالی سال دے پی ایس ڈی پی اچ وزارت خزانہ دے نویں منصوبیاں اچ لاہور اچ آڈٹ ہاوس منسوبہ کیتے 458.679 ملین روپے اتے پی ایف ایم ریفارمز پی سی ون منصوبہ کیتے 1613 ملین روپے مختص کرݨ دی تجویز ݙتی گئی اے۔