وزارت بین الصوبائی رابطہ دے مختلف کھیݙاں دے ودھارے اتے کھیݙاں دے میداناں دے منصوبیاں کیتے 3100 ملین روپے رکھیے ڳئن

اسلام آباد۔12جون (اے پی پی) وفاقی حکومت آندے مالی سال 2024-25 کیتے سرکاری شعبہ دے ترقیاتی پروگرام (پی ایس ڈی پی) دے تحت وزارت بین الصوبائی رابطہ دے مختلف کھیݙاں دے ودھارے اتے کھیݙاں دے میداناں دے منصوبیاں کیتے 3100 ملین روپے رکھین۔ بدھ کوں جاری پی ایس ڈی پی موجب جاری منصوبیاں اچ پی ایس سی اسلام آباد اچ مختلف امور کیتے 60ملین روپے ، پاکستان سپورٹس کمپلیکس اچ بائیو میکینیکل لیب کیتے 120.735ملین روپے ، نیشنل ایتھلیٹس کیتے غیر ملکی کوچز دی خدمات حاصل کرݨ کیتے 160ملین روپے ، فٹ بال گرائونڈ اچ سینتھٹیک ٹریک کیتے 304.893ملین روپے ، سائوتھ ایشن گیمز کیتے پی ایس سی اچ سہولیات کوں ودھاوݨ کیتے312.083ملین روپے ، پی سی بی کوچنگ سینٹر کراچی اچ سہولیات ودھاوݨ کیتے 180ملین روپے ،اسلام آباد ، فیصل آباد، واہ کینٹ، پشاور ،کوئٹہ ،مظفر آباد اتے سوات اچ سینتھکٹس ہاکی ٹرف دی تبدیلی کیتے 171.466ملین روپے ، پاکستان سپورٹس کمپلیکس اسلام آباد اچ الیکٹرانک ڈسپلے اینڈ سکورننگ سسٹم کیتے 735.394ملین روپے ، سائوتھ ایشین گیمز کیتے مختلف سہولیات کیتے 388.429ملین روپے رکھیے ڳئن۔