نیشنل فوڈ سکیورٹی اینڈ ریسرچ ڈویژن دے جاری 18 منصوبیاں کیتے 6706.066 ملین روپے ،6 نویں منصوبیاں کیتے 18293.934 ملین روپے رکھیے ڳئن

اسلام آباد۔12جون (اے پی پی) وفاقی حکومت سرکاری شعبہ دے ترقیاتی پروگرام (پی ایس ڈی پی ) دے تحت آندے مالی سال 25۔2024 ء اچ نیشنل فوڈ سکیورٹی اینڈ ریسرچ ڈویژن دے پہلے توں جاری 18 منصوبیاں کیتے 6706.066 ملین روپے جڈانجو 6 نویں منصوبیاں کیتے 18293.934 ملین روپے رکھیے ڳئن۔ بدھ کوں جاری پی ایس ڈی پی موجب قومی غذائی تحفظ تے تحقیق دے 18جاری منصوبیاں کیتے 6706.066 ملین روپے رکھیے ڳئن۔ جاری اعدادوشمار موجب قومی غذائی تحفظ تے تحقیق ڈویژن دے جاری منصوبے آلو دی ٹشو کلچر ٹیکنالوجی دے فروغ کیتے 83.55 ملین ، کنزیومر سورسنگ سیڈ اتھارٹی ٻݨاوݨ کیتے 210 ملین روپے۔ پلانٹ بریڈر رائٹس رجسٹری ٻݨاوݨ اتے بی یو ایس دے نظام کوں ٻیا فعال ٻݨاوݨ دے منصوبے کیتے 60 ملین روپے رکھیے ڳئن۔