سرکاری ملازمین دیاں تنخواہیں اتے پنشن اچ ودھارا، گریڈ سولہ دے ملازمین تئیں 25 فیصد،17 توں 22 گریڈ دے افسران دی تنخواہ 20 فیصد ودھائی ویسی

اسلام آباد۔12جون(اے پی پی):وفاقی حکومت گریڈ ہک توں 16 تئیں دے سرکاری ملازمین دی تنخواہیں اچ 25 فیصد، 17 توں 22 گریڈ دے افسران دی تنخواہیں اچ 20 فیصد ودھارے دی تجویز ݙتی اے۔ ایویں ہی پنشن 15 فیصد ودھاوݨ دے نال نال مزدور دے ڳھٹٖ توں ڳھٹ مزدوری 37 ہزار روپے کرݨ دی تجویز ݙتی اے۔ آندے مالی سال دا بجٹ پیش کریندے وفاقی وزیر خزانہ آکھیے جو حکومت مہانگ پاروں سرکاری ملازمین کونس وکھ ݙیندے ہوئے تنخواہیں ودھاوݨ دا فیصلہ کیتے ایں سانڳے بجٹ اچ تجویز آئی اے جو گریڈ ہک توں 16 تئیں دے سرکاری ملازمین دی تنخواہیں اچ 25 فیصد، 17 توں 22 گریڈ دے افسران دی تنخواہیں اچ 20 فیصد ودھاوݨ دے نال نال ریٹائرڈ ملازمین دی پنشن 15 فیصد ودھاوݨ سودھا مزدور دے ڳھٹٖ توں ڳھٹ مزدوری 37 ہزار روپے کیتی ویسی۔