وفاقی حکومت دا مالی سال 2024-25 دے بجٹ اچ موسمیاتی تبدیلی دے اثرات دا مقابلہ کرݨ سانڳے ٻہوں سارے اقدامات کرݨ دا اعلان

اسلام آباد۔12جون (اے پی پی):وفاقی حکومت مالی سال 2024-25 دے بجٹ اچ موسمیاتی تبدیلی دے اثرات دا مقابلہ کرݨ سانڳے ٻہوں سارے اقدامات کرݨ دا اعلان کیتے ۔ نویں مالی سال دا بجٹ پیش کریندے ہوئیں وفاقی وزیر خزانہ محمد اورنگزیب آکھیے پاکستان کوں موسمیاتی تبدیلی تےاثرات توں شدید خطرہ لاحق اے اتے حکومت ایندے اثرات گھٹ کرݨ سانڳے ٻہوں سارے اقدامات تے کم کریندی پئی اے۔ انہاں آکھیے پاکستان موسمیاتی تبدیلی اتھارٹی کوں فعال بݨایا ویندا پئے جݙاں جو نیشنل کلائمیٹ فنانس سٹرٹیجی اکتوبر 2024 تئیں تیار کر ڳھدی ویسی جیں دا مقصد عالمی موسمیاتی فنانسنگ کوں پاکستان اچ گھن آوݨ اے تاں جو ملک اچ کاربن دے اخراج اچ کمی گھن آوݨ تے منصوبیں تے عمل تھی سڳے ۔