جنرل ساحر شمشاد مرزا دا دورہ ترکیہ، وزیر دفاع اتے فوجی قیادت نال ملاقات

راولپنڈی۔13 جون(اے پی پی)چیئرمین جوائنٹ چیفس آف سٹاف کمیٹی جنرل ساحر شمشاد مرزا ترکیہ دے دورے تے ہین جتھاں او میزبان ملک دے وزیر دفاع، کمانڈر جنرل سٹاف، ترکیہ لینڈ فورسز دے کمانڈر، نیول کمانڈر اتے ایئر فورس دے کمانڈراں نال ملین۔ پاک فوج دے شعبہ تعلقات عامہ (آئی ایس پی آر) دے مطابق چیئرمین جوائنٹ چیفس آف سٹاف کمیٹی ترک ایس ایس بی دے صدر نال وی ملین۔ انہاں باہمی دلچسپی دے امور، ݙوطرفہ دفاعی تعاون، سکیورٹی، انسداد دہشت گردی اتے اڄوکی علاقائی صورتحال تے ڳالھ مہاڑ کیتی اے۔ انہاں ترک عسکری قیادت نال ݙوطرفہ دفاعی تعاون ودھاوݨ اتے برادرانہ تعلقات تکڑے کرݨ دا عزم دوہرائے۔ جنرل ساحر شمشاد مرزا کوں شاندار خدمات سانڳے ترکیہ دے ” لیجن آف میرٹ “د ے اعزاز نال وی نوازیا ڳئے۔