اسلام آباد۔13جون (اے پی پی):وزیراعظم محمد شہباز شریف محکمیں کوں جاری احکامات تے پیشرفت دے جائزے سانڳے بݨائی ڳئی ٹاسک مینجمنٹ سسٹم دا روزانہ دی بنیاد تے جائزہ گھنݨ دا فیصلہ کیتے ۔ انہاں آکھیے سارے منصوبیں دی پیشرفت دی مسلسل نگرانی انھاں کوں وختی توڑ پڄاوݨ دے پاسے پہلا قدم اے ۔وزیر اعظم آفس میڈیا ونگ توں جاری بیان موجب وزیراعظم محمد شہباز شریف دی صدارت اچ وفاقی وزارتاں …
وزیراعظم دا محکمیں کوں جاری احکامات تے پیشرفت دے جائزہ سانڳے ٹاسک مینجمنٹ سسٹم دا روزانہ دی بنیاد تے جائزہ گھنݨ دا فیصلہ
اسلام آباد۔13جون (اے پی پی):وزیراعظم محمد شہباز شریف محکمیں کوں جاری احکامات تے پیشرفت دے جائزے سانڳے بݨائی ڳئی ٹاسک مینجمنٹ سسٹم دا روزانہ دی بنیاد تے جائزہ گھنݨ دا فیصلہ کیتے ۔ انہاں آکھیے سارے منصوبیں دی پیشرفت دی مسلسل نگرانی انھاں کوں وختی توڑ پڄاوݨ دے پاسے پہلا قدم اے ۔وزیر اعظم آفس میڈیا ونگ توں جاری بیان موجب وزیراعظم محمد شہباز شریف دی صدارت اچ وفاقی وزارتاں اتے محکمیں کوں جاری کیتی ڳئی ہدایات تے پیشرفت دے حوالے نال بݨائے ڳئے ٹاسک مینجمنٹ سسٹم متعلق جائزہ اجلاس تھیا ۔وزیراعظم روزانہ دی بنیاد تے ٹاسک مینجمنٹ سسٹم دا جائزہ گھنݨ دا فیصلہ کریندے ہوئیں آکھیے جو سارے منصوبیں دی پیشرفت دی مسلسل نگرانی انھاں کوں وختی توڑ پڄاوݨ آلے پاسے پہلا قدم اے ۔وزیر اعظم سارے وفاقی وزارتاں اتے محکمیں دے سیکرٹریز اتے محکمیں دے سربراہان کوں ٹاسک مینجمنٹ سسٹم کوں خود استعمال کرݨ دی ہدایت کیتی ۔وزیر اعظم کوں ݙسایا ڳئے جو ٹاسک مینجمنٹ سسٹم دی موبائل ایپلی کیشن بݨائی ڳئی اے ، ٹاسک مینجمنٹ سسٹم بین الاقوامی معیار دا ھک منفرد تے جدید سافٹ ویئر اے جیں دے ذریعے وفاقی وزارتاں کوں وزیراعظم دی طرفوں جاری کیتی ڳئی ہدایات دی نگرانی اتے انہاں ہدایات موجب پیشرفت دا جائزہ ڳھدا ویندا پئے ۔اجلاس اچ وفاقی وزیر اقتصادی امور احد خان چیمہ، وفاقی وزیر پٹرولیم ڈاکٹر مصدق ملک، وزیر مملکت آئی ٹی شزا فاطمہ خواجہ، وزیراعظم دے کوآرڈینیٹر رانا احسن افضل اتے متعلقہ اداریں دے اعلیٰ افسران شریک ہن۔
