ملک اچ ووٹرز دی کل تعداد 13 کروڑ 4 لکھ 44 ہزار 891 تھی ڳئی ،الیکشن کمیشن

اسلام آباد۔14جون(اے پی پی) الیکشن کمیشن آف پاکستان ووٹراں دے تازہ صوبائی اعداد و شمار جاری کرݙتن جیں موجب پورے ملک اچ ووٹرز دی کل تعداد 13 کروڑ 4 لکھ 44 ہزار 891 تھی ڳئی اے ۔ جمعہ کوں الیکشن کمیشن دی طرفوں جاری اعدادوشمار موجب پنجاب اچ کل ووٹرز دی تعداد 7 کروڑ 42 لکھ 55 ہزار 74 تھی ڳئی اے جنہاں اچ مرد ووٹرز دی تعداد 3 کروڑ 96 لکھ 39 ہزار 841 اتے تریمت ووٹرز دی کل تعداد 3 کروڑ 46 لکھ 25 ہزار 233 اے۔ صوبہ سندھ اچ کل ووٹرز دی تعداد 2 کروڑ 73لکھ 81 ہزار 237 تھی ڳئی اے جنہاں اچ مرد ووٹرز دی تعداد ھک کروڑ 48 لکھ 8 ہزار 772 اتے تریمت ووٹرز دی کل تعداد ھک کروڑ 25 لکھ 72 ہزار 465 اے۔صوبہ خیبرپختونخوا اچ کل ووٹرز دی تعداد 2 کروڑ 22لکھ 45 ہزار 264 تھی ڳئی اے جنہاں اچ مرد ووٹرز دی تعداد ھک کروڑ 21 لکھ 8 ہزار 332 اتے تریمت ووٹرز دی کل تعداد ھک کروڑ ھک لکھ 36 ہزار 932 اے۔صوبہ بلوچستان اچ کل ووٹرز دی تعداد 54لکھ 50 ہزار 572 تھی ڳئی اے جنہان اچ مرد ووٹرز دی تعداد 30 لکھ 56 ہزار 775 جݙاں جو تریمت ووٹرزدی کل 23 لکھ 93 ہزار 797 اے۔اسلام آباد اچ کل ووٹرز دی تعداد 11لکھ 12 ہزار 774 تھی ڳئی اے جنہاں اچ مرد ووٹرز دی تعداد 5 لکھ 83 ہزار 963 جݙاں جو تریمت ووٹرز دی کل 5 لکھ 28 ہزار 781 اے۔