لاہور۔16جون (اے پی پی):وزیراعظم محمد شہباز شریف اتے ترکی دے صدر رجب طیب اردوان ݙوہیں ملکاں وچال تجارت، سرمایہ کاری، دفاع اتے سیاحت سودھے مختلف شعبیں اچ ݙو پاسے تعاون کوں مزید مستحکم بݨاوݨ دے عزم دا اعادہ کیتے ۔ ݙوہیں رہنماواں پاکستان اتے ترکی وچال دوستی تے بھرپی دے تکڑے رشتے تے کھل الاݨے جیڑھے مشترکہ اقدار، تاریخ اتے ثقافتی ہم آہنگی تے بݨیے پئن ۔ وزیراعظم آفس دے …
وزیراعظم شہباز شریف تے ترک صدر رجب طیب اردوان دا پاکستان اتے ترکی دے وچال ݙوطرفہ تعلقات کوں مزید مستحکم بݨاوݨ دا اعادہ
لاہور۔16جون (اے پی پی):وزیراعظم محمد شہباز شریف اتے ترکی دے صدر رجب طیب اردوان ݙوہیں ملکاں وچال تجارت، سرمایہ کاری، دفاع اتے سیاحت سودھے مختلف شعبیں اچ ݙو پاسے تعاون کوں مزید مستحکم بݨاوݨ دے عزم دا اعادہ کیتے ۔ ݙوہیں رہنماواں پاکستان اتے ترکی وچال دوستی تے بھرپی دے تکڑے رشتے تے کھل الاݨے جیڑھے مشترکہ اقدار، تاریخ اتے ثقافتی ہم آہنگی تے بݨیے پئن ۔ وزیراعظم آفس دے میڈیا ونگ توں جاری بیان موجب ݙوہیں رہنماواں عید الاضحی دے موقع تے ٹیلی فون تے رابطہ کیتے تے گرمجوشی اتے خوشگوار ڳالھ مہاڑ کیتی تے نیک خواہشات دا تبادلہ کیتے۔ وزیر اعظم نواز شریف تے ترک صدر رجب طیب اردوان خطے اتے ایندے توں ٻاہر امن، استحکام اتے خوشحالی کوں ودھاوݨ دے طریقیں تے وی ڳالھ مہاڑ کیتی ۔ انہاں فلسطین دی موجودہ صورتحال تے گہری تشویش کیتی تے بین الاقوامی برادری تے زور ݙتے جو او نشوم فلسطینیاں دے مصائب اتے اوکھ مکاوݨ سانڳے امن دیاں کوششاں کوں ݙوگنا کرے ݙوہیں رہنماواں مشترکہ چیلنجز نال نبݨݨ سانڳے ھک ݙوجھے دے بنیادی قومی مفادات دی حمایت سانڳے رلے کم جاری رکھݨ تے اتفاق کیتے ۔ وزیراعظم شہباز شریف ترک صدر رجب طیب اردوان کوں وختی پاکستان دا سرکاری دورہ کرݨ دی دعوت ݙتی جݙاں جو اعلی سطحی اسٹریٹجک مشاورتی کونسل (ایچ ایل ایس سی سی) دا ستواں اجلاس سݙیا ونڄ سڳے۔ وزیراعظم شہباز شریف ایکس تے اپݨی اںج پوسٹ اچ آپݨے پیارے بھرا رجب طیب اردوان کوں عید الاضحی دی مبارکباد ݙتی تے نیک خواہشات دا اظہار کیتے۔
