اسلام آباد۔17 جون(اے پی پی)آرمی چیف جنرل عاصم منیر لائن آف کنٹرول (ایل او سی) دے حاجی پیر سیکٹر دا دورہ کیتے اتے اگلے مورچیاں تے جواناں نال عید منائی۔ پاک فوج دے شعبہ تعلقات عامہ (آئی ایس پی آر) دے مطابق ایل او سی پڄݨ تے کور کمانڈر راولپنڈی آرمی چیف کی جی بسم اللہ آکھیے۔ آرمی چیف افسران اتے جواناں نال نماز عید پڑھی اتے ملک اچ امن …
آرمی چیف دا ایل او سی دے حاجی پیر سیکٹر دا دورہ، جواناں نال عید منائی
اسلام آباد۔17 جون(اے پی پی)آرمی چیف جنرل عاصم منیر لائن آف کنٹرول (ایل او سی) دے حاجی پیر سیکٹر دا دورہ کیتے اتے اگلے مورچیاں تے جواناں نال عید منائی۔ پاک فوج دے شعبہ تعلقات عامہ (آئی ایس پی آر) دے مطابق ایل او سی پڄݨ تے کور کمانڈر راولپنڈی آرمی چیف کی جی بسم اللہ آکھیے۔ آرمی چیف افسران اتے جواناں نال نماز عید پڑھی اتے ملک اچ امن و استحکام دی دعا کیتی۔ آرمی چیف جنرل عاصم منیر شہداء دیاں قربانیاں کوں خراج تحسین پیش کیتے اتے جواناں دے عزم و حوصلے دی تعریف کیتی۔ آرمی چیف آکھیا جو جواناں کیتے گھراں توں پرے محاذ تے عید مناوݨ اعزاز اے، گھر توں پریں وطن دی حفاظت دے فرض دی ادائیگی ودھ اہم اے۔ آرمی چیف کشمیریاں دی جدوجہد آزادی دی حمایت دا عزم دوہریندے آکھیے جو کشمیریاں کوں اقوام متحدہ دیاں قرارداداں دے مطابق حق خود ارادیت ملݨا چاہیدے۔ انہاں کشمیریاں تے جاری بھارتی جبر دی شدید مذمت کریندے آکھیے جو بھارتی انتخابات دے بعد کشمیریوں تے ظلم ودھیے، بھارت دے سیاسی مقاصد کیتے فالس فلیگ آپریشن معمول ٻݨدے ویندن، پاکستان خطے اچ امن و استحکام دا حامی اے ٻھل کہیں وی جارحیت دا منہ تروڑ ولدا ݙتا ویسی، قوم دی حمایت نال دشمن دے ݙند ٻھن ݙیسوں۔
