اسلام آباد۔17 جون(اے پی پی)وزیراعظم محمد شہبازشریف اتے ملائیشیا دے وزیراعظم داتوک سیری انور ابراہیم ٹیلی فون تے الائے اتے ہک ٻئے کوں عید دی مبارک ݙتی۔ ݙوہان رہنماواں ݙوہاں ملکاں وچال باہمی دلچسپی دے شعبیاں خاص کر تجارت و سرمایہ کاری اچ تاریخی تعلقات ٻئے تکڑے کرݨ دا عزم کیتے۔ وزیراعظم ملائیشیا دے برادرانہ عوام اتے امت مسلمہ دی خوشحالی اتے ترقی کیتے نیک تمناواں اتے دعائیں ݙتن۔ غزہ …
وزیر اعظم شہباز شریف دا ملائیشین وزیراعظم کوں فون، ݙوطرفہ تعلقات ٻئے تکڑے کرݨ تے اتفاق
اسلام آباد۔17 جون(اے پی پی)وزیراعظم محمد شہبازشریف اتے ملائیشیا دے وزیراعظم داتوک سیری انور ابراہیم ٹیلی فون تے الائے اتے ہک ٻئے کوں عید دی مبارک ݙتی۔ ݙوہان رہنماواں ݙوہاں ملکاں وچال باہمی دلچسپی دے شعبیاں خاص کر تجارت و سرمایہ کاری اچ تاریخی تعلقات ٻئے تکڑے کرݨ دا عزم کیتے۔ وزیراعظم ملائیشیا دے برادرانہ عوام اتے امت مسلمہ دی خوشحالی اتے ترقی کیتے نیک تمناواں اتے دعائیں ݙتن۔ غزہ دی سورتحال تے الیندے وزیراعظم شہباز شریف ملائیشین وزیراعظم انور ابراہیم دی اڳواݨی اچ فلسطینی کاز کیتے ملائیشیا دے اصولی موقف دی تعریف کیتی۔ انہاں غزہ اچ مستقل جنگ بندی دیاں کوششاں ودھاوݨ اتے معصوم فلسطینی بھراواں کوں ضروری امداد ݙیوݨ تے اتفاق کیتے۔ ݙوہاں رہنماواں باہمی دلچسپی دے معاملیاں مختلف شعبیاں اچ تعاون دے معاملیاں تے الائے اتے اعلیٰ سطح دے وفود دے باقاعدہ تبادلیاں کوں برقرار رکھݨ تے زور ݙتے۔ وزیراعظم شہباز شریف دورہ پاکستان دی دعوت قبول کرݨ تے وزیراعظم انور ابراہیم دا شکریہ ادا کیتے۔
