مقتول وکلا دے کیس اچ انصاف تھیندا نظر آسی، اہل خانہ سانڳے ابتدائی طورتے فی کس 20 ملین روپے جاری کیتے ویندے پئن ، وفاقی وزیر قانون و انصاف سینیٹر اعظم نذیر تارڑ

اٹک۔20جون (اے پی پی):وفاقی وزیر قانون و انصاف سینیٹر اعظم نذیر تارڑ آکھیے وکلا برادری آئین دے تحفظ، قانون دی حکمرانی اتے بنیادی حقوق سانڳے بے مثال قربانیاں ݙتن وزیراعلیٰ پنجاب وکلا دے قتل تے وختی نوٹس گھندے ہوئیں احکامات جاری کیتن ، ملزم گرفتار اے، انصاف تھیندا ساریں کوں نظر آسی۔ مقتول وکلا دے اہل خانہ سانڳے ابتدائی طورتے فی کس 20 ملین روپے جاری کیتے ویندے پئن ، سکیورٹی دے معیارات اچ اصلاح دی لوڑھ اے اے ڳالھ انہاں ٹک ڈسٹرکٹ بار دے زیر اہتمام جاں بحق وکلا دے تعزیتی ریفرنس توں خطاب اچ آکھی اے ۔ انہاں آکھیے چنڳے انسان ہمیشہ یاداں اچ نقش رہندن تے خوشبو وانڳوں انہاں دی موجودگی ساݙے اساں نیڑے رہندی اے ۔ انہاں آکھیے جاں بحق وکلا ساݙے درمیان ہمیشہ موجود رہسن ۔ انہاں آپݨے ترکہ تے ورثہ اچ وکلا دی شکل اچ ھک وݙا خاندان ݙتے ۔ وزیرقانون آکھیے میں ایں واقع تے ݙکھی ہاں ۔ انہاں آکھیے ساݙے سکیورٹی دے معیارات اچ اصلاح دی لوڑھ اے ۔ واقعہ دے وختی بعد پنجاب حکومت چنڳے اقدام چاتن ۔ ملزم دی گرفتاری تے تفتیش دے بعد کہیں قسم دی رعایت نہ ݙیوݨ دا فیصلہ کیتے ۔ ایں حوالے نال تساکوں حکومت غافل نظر نہ آسی اے اساں کیتےھک ٹیسٹ کیس اے اتے وفاقی و صوبائی حکومتاں انصاف ݙیوݨ یقینی بݨیسن ۔