پنجاب اچ دفعہ 144 دا نفاذ صوبائی معاملہ اے، ڈپٹی سپیکر قومی اسمبلی

اسلام آباد۔21جون (اے پی پی):ڈپٹی سپیکر قومی اسمبلی سید غلام مصطفی شاہ آکھیے پنجاب اچ دفعہ 144 دا نفاذ صوبائی معاملہ اے، اے صوبائی حکومت ہی حل کرسڳدی اے۔ قومی اسمبلی اچ انہاں اے رولنگ قائد حزب اختلاف عمر ایوب خان دے اعتراض دے نکتے تے ݙتی ۔ ایندے توں پہلے عمر ایوب خان اعتراض دے نکتے تے آکھیے جو ساݙی جماعت احتجاج دی کال ݙتی اے جیں تے پنجاب اچ دفعہ 144 نافذ کرݙتا ڳئے اساں ایندی مذمت کریندوں ، ارکان اسمبلی دے گرفتار تھیوݨ دا ݙر اے اے آئین اتے ساݙے جمہوری حقوق دی خلاف ورزی اے۔ سپیکر دی چیئر ایں حوالے نال رولنگ ݙیوے۔ ڈپٹی سپیکرآکھیے اے صوبائی معاملہ اے توقع اے جو پنجاب حکومت ہی اینکوں حل کریسی۔