اسلام آباد۔21جون(اے پی پی):چین کی کمیونسٹ پارٹی آف چائنا دے بین الاقوامی شعبہ(آئی ڈی سی پی سی) دی مرکزی کمیٹی دے وزیر لیو جیان چائو آکھیے پکے یار تے آزمودہ دوست ہووݨ دے ناطے چین پاکستان کوں اپݨی خارجہ پالیسی اچ ھک خصوصی مقام ݙے رکھیے تے او سدا بہار تزویراتی تعاون تے مبنی شراکت داری کوں تکڑا بݨاوݨ چاہندے اے ڳالھ سینئر چینی رہنما نائب وزیراعظم اتے وزیر …
پاکستان کوں چین دی خارجہ پالیسیاں اچ خصوصی مقام حاصل اے، سینئر چینی وزیر
اسلام آباد۔21جون(اے پی پی):چین کی کمیونسٹ پارٹی آف چائنا دے بین الاقوامی شعبہ(آئی ڈی سی پی سی) دی مرکزی کمیٹی دے وزیر لیو جیان چائو آکھیے پکے یار تے آزمودہ دوست ہووݨ دے ناطے چین پاکستان کوں اپݨی خارجہ پالیسی اچ ھک خصوصی مقام ݙے رکھیے تے او سدا بہار تزویراتی تعاون تے مبنی شراکت داری کوں تکڑا بݨاوݨ چاہندے اے ڳالھ سینئر چینی رہنما نائب وزیراعظم اتے وزیر خارجہ محمد اسحاق ڈار نال ملاقات اچ آکھی اے ۔ لیو جیان چائو چین پاکستان اقتصادی راہداری منصوبے تے کم دی مستحکم رفتار تے اطمینان دا اظہار کیتے تے آکھیے جو چین سی پیک دے سارے جاری تے نویں منصوبیں تے وختی عمل درآمد سانڳے پاکستان نال مکمل تعاون کریسی ۔ انہاں پاکستان دی سیاسی جماعتاں دی سی پیک اتےپاک چین دوستی دی مستقل حمایت تے وی تعریف کیتی ۔ نائب وزیراعظم تے وزیر خارجہ اسحاق ڈار پاکستان دی سماجی و اقتصادی ترقی تے خوشحالی اچ سی پیک دے مثبت کردار دی تعریف کیتی۔
